Koriam-penina... Isika Roa
... Nofihiniko ny tananao dia niara-niarina tsimoramora teo ambony fasika
isika, ny fiparasaky ny fasika nokopahina tamin'ny akanjotsika sisa no
hafatra napetraky tosy ho an'iny tora-pasika iny
Nifampitantana
isika namonjy ny arabe, ilay zavan-jiro karakara mitsikilo antsika avy
eny an-tendrom-boanio no nanilo dia antsika indray hamonjy ny lalan-tara
hitodiana any an-trano ... 
Vao nahazo ilay arabe midadasika isika
dia nosakambiniko ianao, nafatotrao tan-takibako ny tananao roa,
novakaninao fitiavana ny vatako manontolo,
Tsy te hamindra aho
fa te hianoka ny nofinofy sy hidola ny onjam-pitia eo anilanao , rehefa
nihanakaiky ny tranonao isika dia hoy ianao mantsy ahy :
-
rahoviana vao fodiana iray no hodiantsika ??
- nitsiky aho namaly
anao nanao hoe : tsy ho ela intsony izany ry aiko
- natehikao teo
an-daingon-tavako ilay oroka mamy dia mamy sady hoy ianao manao hoe :
iny oroka iny no ampanarahiko anao any am-pandrianao , ka hamisavisanao
ny ho avintsika feno fiadanana 
Nikopaka ahy ianao dia niakatra
ilay tohatra, ilay tohatra fipetrahantsika rehefa malay misaraka
Nitsiky
ianao sady nikopaka farany, injao henoko ny tao an-tranonao niteny hoe :
hay tonga ianao ?? iza no nanatitra anao ???
Ny siokan'ny
rivo-dranomasina sisa nanaraka hatrany an-trano, ny siokako kosa
nanaraka anao hatrany am-pandrianao ny famololony ...
Hevitra:
1. Nannie
Mahafinaritra ery ny mamaky azy... misaotra betsaka.
2. Yanja
Kantokely Mahafinaritra,
Fotoana fohy , kely monja nihanoka ao anatin ny fitiavantsika no hanenika ny fiainako iray manontolo satria efa teo anilanao.
3. Maeva74
Mahafinaritra,kanto sary mahaliana ny tantaran' i Raozy. Mankasitraka hatrany
4. Raozigasy
Misaotra antsika mankasitraka fa mampahery tokoa e
5. Nary Arthur
Tena ankafiziko ny KANTONTSIKA, afa-po sady afa-bizana ny tenako, faly koa ra faly fa tsy very ny hasin'ny maha Malagasy antsika raha mitohy ny famohafoazana azy hatrany
Misaotra feno tsiky