Mami Bastah
RANAIVO
Maminirina Ramiandraharisoa no tena anarako ary MAMI Bastah no anarana hoentiko
amin’ny maha-mpihira ahy, ankoatry ny mozika dia Mpamboly aho . Ny gadon-kira
hiangaliako dia : folk Sy “Musique du monde”
E-mail : mamibasta2@yahoo.fr
Siteweb : www.myspace.com/mamibasta
Ny adiresiko dia Lot 1118 J 110 Mahazoarivo - Avaratra 110 Antsirabe Madagasikara
Tamin’ny taona 1977 aho no nanomboka namoron-kira voalohany ary tamin’ny 1982 ao no niaraka tamin’ny Tarika REMY , ny taona 2000 aho no nanomboka nandeha irery ka nitondra ny anarana “ MAMI Bastah”
Efa nanao fampisehoana mihoatran’ny 120 eran’i Mcar aho hatramin’ny nitondrako ny anarana MAMI Bastah , ary efa nanao fampisehoana tany ivelany ihany koa : La Reunión , FRance , REp Tchèque , Allemagne , Italia
Amin ‘izao fotoana izao aho dia solotenan’i Mcar amin’ny fifaninanana iraisam-pirenena PRIX MUSIQUE OCEAN INDIEN 2009 izay atao ao amin’ny Alliance Française Antananarivo ny famaranana ny 25 Sept 2009 amin’ny 7 ora hariva (Jereo www.prixmusiquesoceanindien.com
Ny isan’ny hira noforoniko hatramin’izao dia miisa any amin’ny 160 any ho any ary efa namoaka raki-kira (CD Audio 2 aho ary VCD 1)
Ny mpihira tiako dia :
- Vahiny : Bob Dylan , Cat Stevens , James Taylor , The Beatles
- Malagasy : Mahaleo , Lolo sy ny Tariny ; ERick Manana , Tselonina , Feo Gasy , Henri Ratsimbazafy , Jaojoby
Isaorako be dia be ny hetsika toy izao satria ezaka fampahafantarana ny artista Malagasy
MILA VONJY NY GASILAHY
Mila vonjy e, mila vonjy e , mila vonjy ny
gasilahy
Fahamarinana tsisy hita ho’aho , fa tapitra nafenin-dry zalahy
Mila vonjy e, mila vonjy e, mila vonjy ny gasivavy
Ny olo-marina nantenaina misy ‘tady hamono sy hamosavy
Andriamanitra Ray Tsitoha ô , henoy re ‘ty vavakay
Fa tena mafy tokoa , tokoa e , ny loza manjo ity taninay
Efa hatramin’ny elabe no nila vonjy sy nitalaho
Ray Mpamonjy , henoy re , fa mitaraina ny zanakao
‘Reo mpitsindroka zôridira ho’aho , omeo sakafo mba hifaliany
Kalokalo sy hirahira ho’aho , no ataovy solon’ny fijaliany
‘Reo tsy manana hialofana e , matory eny an-dalam-be
Omeo lamba mba hirakofana , tsy manana havana mba aleha
‘Reo mpitantana sy mpitondra re , tariho ny sainy hanao ny rariny
‘Reo mpanodikodina volabe , asaivo soloiny izay nangalariny
Raha manao tsy rariny ireo lehibe , ampiharo lalàna mba ho voasazy
Endaso ho mendy amin’ny afobe , f’efa zatra mangorona ny tsy azy
‘Reo olo-marina sy azo antoka omeo hery sy fitahiana
Raha sendra ny ady izay tena sarotra dia arovy tsara fa aza ariana
Mila vonjy e.............................................................
Andriamanitra Ray mahery ô , omeo valiny ny hatakay
Fa aza avela handeha irery , tsilovy ny lalan-kizoranay
Tsy izay tinay fa ny sitrakao ihany no tanterahina re ry Ray
Ry tompon’ny hery tsy mety lany , mila vonjy aminao re ny taninay
Kanefa na izany aza , olombelona ihany mandre marary
Mahatsiaro mijaly sahiran-dava , rehefa miakatra ambony ny vidim-bary
Andriamanitra Ray mahery ô , iraho mba hidina aty Jesosy
F’izahay malagasy mitady ho very , sady tsy ampy sakafo no tsy ampy sôsy
Mitanondrika mitaraina re , ampanjakao re ny fahamarinana
‘Reo tompon’andraikitra lehibe , ambeno mba tsy hanao zara vilana
‘Reo olon-dratsy mpisetrasetra , tsy maty manota fa mafibe
Sazio mba hitovy aminay rehetra , na “TIM” izy na “TGV”
Mila vonjy e...............................................................
Hamaranako izany tafa , henoy tsara raha azo atao
Tonom-bavaka hafahafa , fa sady mamely no mitalaho
Aok’izay ny mifampitady ry mpanao pôlitika tsy an-kanavaka
Atsaharo hatreo ny ady dia ho tonga tsy ho ela ny valim-bavaka
‘Reo mpanompon’I Jeso Kristy ô , hiara-hiasa sy hampihavana
‘Reo basy sy fiara mifono vy , ampirimo amin’izay , soloy fitiavana
Hiara-dalana , hikorana e , Monsieur Guy Rivo sy Ratsivalaka
Ingahy Andry sy Ingahy Ravalo , hiara-handihy salegy, handihy kilalaka
Mila vonjy e.................................................................
Mila vonjy , mila vonjy , mila vonjy Zanahary
Fa ‘ty tanindrazanay ity anie tena marary
Hevitra:
1. HAJA
Tsara be ny ezaka vitanao Mamy , de mahereza ary raha mety de mba managataka fisehoana indray mandeh fotsiny eto tana
de zay aloh
2. rolisse
salut...rahoviana ny concert aty fra nce.
3. rondrotiana
salut Mamy Bastah be tsara lay hira fa tohizo eh fa angaha moa rava ny tarika Remy eh . Ny mpanankato anie tsy mety maty fa aiza ho aiza izao ny lalanareo iray donakafo taminireny eh . De ahoana moa lay hira hoe " andeha hiosotra taniravo eh" Milay ka ok
4. José
Salut Zoky!
IZao ve izahay vao mba mahita itony zavata tsara be itony kale!
Tohizo foana ny vazo miteny e
Zandry
5. Rafaliarison Joussoua
ghgnbhrgeferqffzzr't
6. NALAHATRA Mitovy
Mes respect les RaMamy a,ze vazo vao2 na toloa na mbola hoavy eo les de revenay foana fa tohizo fa milay e, ok ,mazotoa ary mirary soa.
7. Zé
Tohizo ny vazo miteny fa milay ary ten mpihira anisan'ny ankafiziko raha ianao. Dia tongava any @ izay avo inddra e!
8. SYLVIO
Tsara be ezaka vitanao ry Mamy a! tena afapo zahay, Mirary fahombiazana hatrany e!
9. Rinja
Tena tsara be ary tena mahafapo ahy ny zava-bitanao eo amin'ny kanto manandratra ny maha malagasy antsika eh. Tohizo ny vazo fa milay io eh. Dia mazotoa hatrany mampita ny maha malagasy antsika amin'ity sehatra ity eh. Mirary fahombiazana hatrany ho anao.
10. miary
tena tsara ny hiranao tena manana fijery hafa tokoa ny mpanakanto
11. SusanneSantiago
freelance writer
12. erel
salut Mamy,
moi j'aime bien ta musique. je joue rien comme instrument mais j'aime écouter, regarder et admirer. tes styles, tes paroles... en tout cas chapeau!
13. DOUDOU
Ny tena tiako amin'ny hiran'i Mami Bastah dia l'ay any antsekoly iny fa tena milay an!
"maontimaontina endry be eo ambodiny cahier, ny miteny dia rarana mihaino ny fanazavana.."
14. POON
Tiako daholo ny hiran'i Many Bastah, mahereza de mazotoa manohy ny asa mozika
15. elison
tena mahafapo ana mitsy alo le tonokira malagasy fa tohizo atrany de mirary fivoarana ho anareo panakato
16. ANDRIAMBELONAINA Maminirina
Salut Zoky Mamy !Zandry Mamy ihany ity ! Oviana vao mety hisy fampisehoana ataonao ao Mandoto na Ankazomiriotra ? Mety be aminay mantsy izany fa any an-tanàna. Mirary soa e !