#womensupportingwomen : inona marina no voizina amin'ilay fizarana sary mainty sy fotsy ?

Nampidirin'i lonjokely ny Fri, 07/31/2020 - 19:55

​
Andro vitsivitsy izay dia nahazo vahana any amin'ny tambazotra sosialy Instagram sy Facebook ny fizarana sary "mainty sy fotsy" miaraka amin'ireo tenifototra #womensupportingwomen sy #womenempoweringwomen. Na andriambavilanitra tsotra na ireo fanta-daza eran-tany (mpihira, mpilalao sarimihetsika, mpanao gazety, mpanao politika, sns) dia samy nitondra ny anjara birikiny avokoa ary anisan'izay isika Malagasy. 

Fa mba haintsika vehivavy ve hoe inona marina no voizina amin'ity hetsika ity ? Sao variana mizara sary mahafinaritra isika ka manadino na tsy mahalala ny tanjona.
Misimisy ihany ny fanazavana momba azy fa ny mitombina dia hetsika niainga avy any Turquie izy, taorian'ny namonoan'ny olon-tiany tamin'ny fomba feno habibiana an'i Pinar Gültekin, 27 taona, mpianatra eny amin'ny anjerimanontolo. Avo dia avo ny tahan'ny herisetra amin'ny vehivavy any Turquie kanefa ny fitondram-panjakana any an-toerana dia mitady hisintaka amin'ny "Fifaneken'i Istanbul", izay fifanarahana iraisan'ny firenena eoropeana ho fisorohana sy hiadiana amin'ny herisetra mianjady amin'ny vehivavy sy ao an-tokantrano.
Teo no nanomboka ity hetsika ity ho firaisankina amin'ireo vehivavy any Turquie izay maneho ny hatezerany amin'ny fitondram-panjakana.

"Eny, ny sarinao mainty sy fotsy tsara tarehy dia natao hankaherezana, hamporisihana ny vehivavy hafa izay toy ny rahavavinao, satria betsaka ny lehilahy tsy manisy lanja sy maniratsira ny hasarobidintsika", hoy i Zeycan Rochelle, izay mpiketrika izao hetsika izao ao amin'ny tambazotra Instagram.

 
 
 
 
 
 
 
 
 
 
 
 
 

As #challengeaccepted continues to trend, here is some more information on the origin of the post & how it became suddenly popular out of nowhere❕ . It began to spread first in Turkey as millions of us here grieve the deaths of several women, this week alone, who have garnered a lot of media attention as victims of Femicide. . As the Turkish government looks to back out of the Istanbul Convention, which is made to protect the high number of domestic abuse cases against women, people are angry & banded together to show solidarity against this action. . Your beautiful black & white photo is yes, meant to empower other women as your sister, but because so many men disregard & dispose us of our worth. . I urge you to google Femicide and read the horrific accounts some women have faced. Violence against women anywhere is a tragedy! Share with purpose ✨ . #Femicide #womenempoweringwomen #sisterhood #kadınaşiddetehayır #istanbulsözleşmesiyaşatır #Feminism

Un post condiviso da Zeycan Rochelle YILDIRIM (@zeycan_rochelle) in data:

 

Rondro Volantsoa